गायिका रेखा शाह र कमल क्षेत्रिको न्यु म्युजिक भिडियो

    गायिका रेखा शाह र कमल क्षेत्रिको न्यु म्युजिक भिडियो     

साङ्गितिक क्षेत्रमा पुन अर्को राजेश थपिदै

काठमाडौं :– गायक राजेश नाम मनोरञ्जन क्षेत्रमा निकै स्थापित नाम हो । अभिनेता राजेश हमाल होस् या गायक राजेश पायल राई आफ्नो ठाउमा यि दुई कलाकार चर्चाको शिखरमा छन् ।  तर संगितकार राजेश थापा भने उति चर्चामा छैनन् ।  संगीत क्षेत्रमा डेढ दशकभन्दा बढीको यात्रा तय गरिसके संगितकार थापाले । क्लासिकल संगीतका यी गुरु भन्छन्– ‘अझै संगितमा संघर्ष गर्नु छ ।’ त्यसो त उनले थुप्रै गीतमा संगीत भरिसकेका छन् ।

सानैदेखि संगीतमा आकर्षण बढेपछि एसएलसी सकिनासाथ यसै क्षेत्रमा संघर्ष सुरु गरे उनले । ०५४ सालबाट आरआर क्याम्पस भर्ना भएर संगीतको औपचारिक अध्ययन गर्न कस्सिए । दीपक जंगम, कमल क्षत्री, धनबहादुर गोपालीजस्ता सांगीतिक हस्तीलाई गुरु थापेर सांगीतिक क्षमता बढाउँदै लगे । आरआर क्याम्पसबाट संगीत विषयमा स्नातक गरे । यससँगै भारतको इलाहाबादस्थित प्रयाग संगीत समितिबाट क्लासिकल म्युजिकमा डिप्लोमा पनि भ्याए । सरकारी छात्रवृत्तिमा सांस्कृतिक संस्थानबाट पनि एकवर्षे प्रशिक्षण लिएको उनी बताउँछन् ।
        काभ्रेमा जन्मिएका राजेश स्कुल पढ्दैदेखि संगीत भनेपछि हुरुक्कै हुन्थे । स्थानीय स्तरमा हुने सांगीतिक कार्यक्रमहरूमा सहभागिता जनाइहाल्थे । रेडियोमा नारायण गोपाललगायतका सुमधुर गीत बज्दा उनी कल्पन्थे– यस्तै गीत सिर्जना गर्न पाए । संगीतप्रतिको यही गहिरो अनुराग अनि संघर्षशील स्वभावका कारण अहिले आएर संगीत उनको पेसा बनिसकेको छ । दुई दर्जन बढी गीतमा संगीत भरिसकेका उनी स्कुल–कलेजमा संगीत विषय अध्यापन पनि गर्छन् । संगीता प्रधान, रीमा गुरुङ, दीपक लिम्बू, अञ्जु पन्त, स्वरूपराज आचार्य, शिशिर योगी, शिव परियारजस्ता अहिलेका चल्तीका गायक–गायिकाले उनको संगीतमा स्वर दिएका छन् ।
पछिल्लो समय उनको व्यस्तता झन् बढेको छ । एकसाथ तीनवटा एल्बममा सोलो संगीत दिनुपर्ने जिम्मेवारी उनलाई आएको छ । एउटा एल्बममा पद्मालिंखा मगरको एकल रचना रहेको छ भने अर्को एल्बम तिब्बत दर्लामी र नवीन उदासको संयुक्त रचनामा तयार हुँदै छ । आधुनिकसँगै बालगीतमा पनि संगीत दिँदै आएका राजेशको एकल संगीतमा बालगीतहरूको नयाँ सँगालो पनि बजारमा आउने तयारीमा छ । संगीतलाई आफ्नो धर्म मान्ने राजेश भन्छन्– ‘संगीतबाट एक छिन पनि टाढिएर बस्न सक्दिनँ ।’

हिन्दि भाषामा डविङ अंग्रजि र अरविक भाषामा सब टाईटल राखि व्यावसायिक बन्दै ढुवानि

काठमाण्डौ । नेपाली चलचित्रले पछिल्लो समयमा केहि सफल्ताको फड्को मारेको देख्नन सकिन्छ । तरपनि नेपालि चलचित्र अन्य भाषामा डबिङ र सब टाइटल राखेर भने कमै चलचित्रहरु प्रदर्शन भएको छ । तर पछिल्लो समयमा चेलिबेटी बेचबिखनमा नेपाली नारी सचेत हुनुपर्छ भन्ने थिम बोकेर आएको चलचित्र ढुवानिले भने हिन्दि भाषामा डविङ अंग्रजि भाषा र अरविक भाषामा सब टाईटल राखेर चलचित्रलाई व्यावसायिक बनाउने कौसिष गरेका छन् । 

कबिता फिल्मसको ब्यानरमा निर्माण गरिएको चलचित्र ढुवानीले भारत लगायत खाडीमुलुक साउदी अरब, कतार, दुबइ, युके, अमेरिका र अष्ट्रेलिया लगायत १ दर्जन देशहरुमा प्रदर्शन हुने भएको छ । ुहिन्दी भाषाको लागि गीतको ट्टर्याक भारत पठाइसकिएको र आउँदो शुक्रबार गीत रेकर्ड हुँने  चलचित्र युनिटले बताएको छ। हिन्दी गीत केका घोसाल र जाबेद अलिले गाउँदै छन् भने फिल्म आईतवार देखी डबिङ हुने चलचित्र युनिटले बताए ।
चेलिबेटी बेचबिखनमा नेपाली नारी सचेत हुनुपर्छ भन्ने थिम बोकेको चलचित्र ढुवानीमा पिताम्बर पाण्डेको लेखन र निर्देशन छ । चलचित्र किशोर खतिवडा, प्रबिन खतिवडा, धिरेन्द्र राज थापा, सगुन शाही, अनुजा गायक लगायतले अभिनय गरेका छन् । निर्देशक पाण्डेकै लेखन रहेको यो फिल्ममा हरि लम्सालको संगीत तथा पुरूषोत्तम प्रधानको छायाँकन रहेको छ । फिल्म आउदो भाद्र २८ गते देखी अलनेपाल र सेप्टेम्बर महिनाको पहिलो सातादेखी भारत लगायतका देशहरुमा रिलिज हुने बताइएको छ ।