ढुकुटिमा कलाकारहरु फसे

काठमाडौ । सर्वसाधारण मानिसहरुलाई ढुकुटि नाम सुन्ने वित्तिकै आङ जिरिङ्ग हुन सक्छ । तर पछिल्लो समयमा ढुकुटिको नकारात्मक प्रभाव चलचित्रका कलाकारहरुलाई पनि पर्दै आएको छ । त्यस्तै क्रममा अभिनेत्री झरना थापापनि  ढुकुटीमा फसेको समाचार एकाएक बजारमा आयो ।

शुक्रवार अनामनगर स्थीत मण्डला थियटरमा आयोजिक कार्यक्रममा सो बारेमा जानकारि दिइएको थियो । तर उनी वास्तवमा ढुकुटि कान्डमा फसेकि भने होईनन् । उनि चलचित्र ढुकुटी मा अभिनय गर्ने कलाकारको रुपमा फसेकी हुन् ।
निर्देशक डीके पुन मगरको निर्देशनमा तयार भएको चलचित्र ढुकुटीमा झरना थापा, धिरेन शाक्य, डोल्मा सेर्पा लगायतका कलाकारहरुले अभिनय गरेका छन् । रेशम सापकोटाको कथा, पटकथा, संवाद र गीत रहेको यस चलचित्रको निर्माणा युनिटले काठमाण्डौमा पत्रकार सम्मेलनको आयोजना गरी चलचित्रको जानकारी गराएको थियो । रनजीत गजमेरको संगीत रहेको चलचित्रमा रोशन श्रेष्ठको द्वन्द्व, शिव वीकको नृत्य, यम आलेको छायांकन, मित्रदेव गुरुङको सम्पादन छ । पत्रकार सम्मेलनमा नेपाल चलचित्र निर्माता संघका अध्यक्ष राजकुमार राई, चलचित्र पत्रकार संघका अध्यक्ष विदुर गिरी, चलचित्र निर्देशक समाजका अध्यक्ष दिनेश डीसी अतिथीको रुपमा उपस्थित थिए ।
चलचित्र ढुकुटी सामाजिक गर्जो टार्ने पवित्र पेशाको निहुमा देखिएको ठगी विरुद्ध प्रतिकात्मक आवाज रहेको निर्देशक मगरले कार्यक्रममा जानकारी दिए ।