आशिकी २ ले अकल्पनिय रुपमा १०० करोड कमायो

मुम्बई– निर्देशक मोहित सुरीको म्युजिकल फिल्म आशिकी २ ले सय करोड भारु कमाइसकेको छ । सय करोड क्लबमा पर्न सफल भएपछि यसका निर्माताहरु प्रफुल्ल छन्।एक महिनाअघि रिलिज भएको लभस्टोरी  फिल्म आशिकी २मा आदित्य रोय कपुर र श्रद्धा कपुरको मुख्य अभिनय छ। विशेष फिल्मस् र टि–सिरिजले यसलाई जम्मा १२ करोड भारुमा निर्माण गरेको हो। विशेष फिल्मस्का निर्माता मुकेश भट्ट फिल्मको सफलतालाई नयाँ ट्रेन्डको रुपमा चिनाउन चाहन्छन्।

म एकदम खुसी छु, किनभने म एक्लो निर्माता हुँ, जसले नयाँ कलाकारहरुबाट ब्लकबस्टर फिल्म निर्माण गरेको छु, योभन्दा खुसीको बहाना के हुनसक्छ र, भट्टले भने।

टि–सिरिजका प्रमुख प्रबन्ध निर्देशक भुषण कुमारले समेत खुसी व्यक्त गरे। मेरो बुबा गुल्शन कुमारको आशीर्वाद र भट्ट साहेबको मार्ग निर्देशनले यो फिल्म सफल भएको हो, भारतीय सिनेमाको सयौं वर्षमा आशिकी–२ नयाँ अनुहारको रुपमा स्थापित भएको छ,ु कुमारले बताएका छन्।
फिल्मकी हिरोइन श्रद्धा प्रख्यात अभिनेता शक्ति कपुरकी छोरी हुन् भने हिरो आदित्य पनि विद्या बालानकी पति तथा निर्माता सिद्धार्थ रोय कपुरका भाइ हुन्।